پاکستان تحریک انصاف کے رہنماء مراد سعید نے سینٹ کی نشست سے استعفیٰ دے دیا جس کا متن بھی سامنے آ گیا ہے،
انہوں نے پارٹی کو سینٹ اور اسمبلیوں سے فوری استعفیٰ دینے کا مشورہ بھی دیا۔ استعفے کے متن میں کہا گیا کہ اس پارلیمنٹ کی بنیاد جعلی اور ناجائز ہے، یہ پارلیمنٹ عوام کے مینڈیٹ کی توہین کرنے میں حصہ دار ہے۔
اپنے پیغام میں مراد سعید نے کہا کہ ہمیں فوری طور پر سینٹ، قومی اسمبلی، پنجاب اور سندھ اسمبلی سے یک مشت استعفے دینے چاہئیں۔
مراد سعید کے سینٹ سے استعفے کی تحریک انصاف نے تصدیق کر دی۔
خیال رہے کہ 2025 میں سینٹر منتخب ہونے کے بعد مراد سعید نے تاحال حلف نہیں اٹھایا تھا،
انہوں نے استعفی چیئر مین سینٹ اور چیئر مین پی ٹی آئی کو ہفتے کی رات ارسال کیا تھا۔
