پاکستان کرکٹ ٹیم کے اوپنر فخر زمان کو سابق پاکستانی اوپنر سعید انور کا ریکارڈ توڑنے کا موقع مل گیا ہے۔ سعید انور نے نیوزی لینڈ کے خلاف سب سے ذیادہ 32 اننگز میں 4 سنچریاں بنارکھی ہیں جوکسی بھی پاکستانی بیٹر کی نیوزی لینڈ کے خلاف سب سے ذیادہ سنچریاں ہیں۔ فخرزمان نیوزی لینڈ کے خلاف 17 اننگز کھیلے ہیں اور انہوں نے بھی چار سنچریاں بنارکھی ہیں، انہیں سعید انور کا ریکارڈ توڑنے کےلئے ایک سنچری کی ضرورت ہے۔ اگر پاکستانی ٹیم سہ فریقی سیریز کے فائنل کےلئے کوالیفائی کرتی ہے تو اُس کو یہ ریکارڈ اپنے نام کرنے کا چانس مل سکتاہے یا پھر چیمپئنز ٹرافی کے پہلے میچ میں بھی توڑ سکتے ہیں جو کراچی میں نیوزی لینڈ کیخلاف کھیلا جائیگا۔